Një serial mbi pandeminë e koronavirusit pritet të vijë së shpejti. “This sceptred isle”, një dramë me pesë pjesë që do të transmetohet në Sky “do të përshkruajë ngjarjet përreth kryeministrit të Britanisë, qeverisë dhe vendit përballë valës së parë të pandemisë globale”.
Kenneth Branagh, i nominuar për Oscar do të interpretojë Boris Johnson. Sipas “Deadline”, drama do të përqendrohet në “përpjekjet e shkencëtarëve, infermierëve dhe mjekëve ndaj virusit. Xhirimet do të fillojnë në fillim të vitit 2021 dhe pritet të shfaqen premierë në vjeshtë të vitit 2022.
Do të bazohet në dëshminë e njerëzve të parë të prekur nga koronavirusi duke përfshirë ata nga Departamenti i Shëndetësisë, Grupi Këshillimor Shkencor për Emergjencat (SAGE), spitalet dhe shtëpitë e kujdesit në të gjithë vendin. /abcnews.al
