Kandidati për deputet i Partisë Demokratike në Kosovë, Nezir Çoçaj është ftuar nga Gjykata Speciale më Hagë.
Lajmin e ka bërë të ditur selia e OVL-UÇK-së me anë të një postimi në “Facebook”, ndërsa shkruan se Çoçaj e ka pranuar ftesën dhe se pritet që të shkojë atje në ditët në vijim.
Reagimi:
OVL e UÇK-së, HAS njofton se:
NEZIR ÇOÇAJ është i ftuari i radhës nga Gjykata Speciale me seli në Hagë. Ai ka pranuar Ftesë për intervistim nga Dhomat e Specializuara që gjatë ditëve në vijim do të paraqitet për Intervistim.
OVL e UÇK-së, Dega në HAS, mbështet fuqishëm njeriun e celulave të para të Ushtrisë Çlirimtare të Kosovës, kontributin e tij për themelimin e UÇK-së, po ashtu vlerëson lart disiplinën e Çoçajt gjatë Luftës Çlirimtare në Kosovë që kishte të vetmin qëllim si të gjithë bijtë e bijat, Çlirimin e Atdheut nga Jugosllavia Vrastare Fashiste.
ORGANIZATA E VETERANËVE TË LUFTËS, DEGA NË HAS i mbështetë të gjithë çlirimtarët e Ushtrisë Çlirimtare të Kosovës të cilët luftuan për Lirinë e Vendit të tyre nga regjimi jugosllav, serb.
Lavdi Dëshmorëve të Kombit!
Drejtësi për Luftëtarët e UÇK-së!
OVL e UÇK- Dega në HAS
19.01.2021
Kryetar:
Xhevdet Thaqi
/abcnews.al/
