Loading ...
Ministria e Shëndetësisë e Maqedonisë së Veriut ka njoftuar për 12 viktima të reja nga sëmundja COVID-19, si dhe 520 raste të reja të të infektuarve me koronavirusin e ri. Sipas raportit, janë regjistruar edhe 372 persona që kanë fituar betejën më virusin vdekjeprurës. Të dhënat i referohen testimit të 3023 rasteve të dyshuara.
Viktimat janë; 4 në Shkup, nga 2 në Strugë dhe Ohër kurse nga 1 janë regjistruar në Dibër, Strumicë, Kriva Pallankë dhe Kërçovë.
Deri më tani me COVID-19 në Maqedoninë e Veriut janë diagnostikuar 87,117 persona, prej tyre 2,647 kanë humbur jetën, 68,364 janë shëruar ndërsa raste aktive janë 16,106 persona./mv.abcnews.al
