Imazhe të pabesueshme të kanionit më të madh të Sistemit Diellor në Mars, janë publikuar nga NASA. Pjerrtësia e madhe ekuatoriale, e quajtur Valles Marineris është më shumë se 2.500 milje e gjatë dhe udhëton përgjatë afërsisht një të katërtës së perimetrit të planetit.
Gjithashtu është gati dhjetë herë më i gjatë se Grand Canyon i Tokës dhe rreth shtatë milje i thellë, duke e barazuar me thellësitë e oqeaneve të Tokës. Ekspertët besojnë se kanioni është më i madhi në sistemin diellor, megjithëse ende nuk janë saktësisht të sigurt se si u formua, shkruan abcnews.al.
Sipas Agjensisë Evropiane të Hapësirës (ESA), kanioni u formua miliarda vjet më parë kur një grup vullkanesh shpërthyen duke shkaktuar copëtimin e kores së Marsit. Imazhet e kanionit janë marrë nga misioni i NASA-s, HiRISE (Eksperimenti i Shkencës me Imazhe me Rezolucion të Lartë). /abcnews.al/
