ABC ka siguruar pamjet e aksidentit të rëndë që ndodhi mbrëmë në Elbasan. Në video e siguruar nga gazetari Aldo Kozarja shihet teksa mjeti tip “Volkswagen” përplaset me minibusin me pasagjerë.
Nga pamjet duket se mjeti që drejtohej nga 29-vjeçarja Kaudja Shpata ishte me shpejtësi të madhe për pasojë është përplasur me minibusin, që drejtohej nga A.K., 51 vjeç.
Viktimë e këtij aksidenti të rëndë mbeti 36-vjeçari Klevis Dedja, i cili ishte pasagjer në mjetin që drejtohej nga e reja. Ndërkohë policia ka arrestuar 29-vjeçaren, e cila akuzohet për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
Kujtojmë se si pasojë e përplasjes mbetën të plagosur edhe pesë pasagjerë të minibusit, të cilët po ktheheshin nga juglindja. g.v/abcnews.al
