Publikohen pamjet e momentit të arrestimit të Emiljano Salit ditën e sotme në Korçë pasi qëlloi disa herë me armë zjarri. 19-vjeçari qëlloi në ajër paraditen e sotme në lagjen nr. 17 pas një konflikti me dy persona të tjerë.
Pasi policia iu vendos në ndjekje ai u largua me një makinë tip “Benz”, ndërsa armën tip automatik e hodhi në një depozitë me ujë. Por disa orë më pas u kap në lagjen nr. 9 me mjetin tip “Benz”, ndërsa edhe arma u zbulua.
Arma e zjarrit së bashku me automjetin u sekuestruan në cilësinë e provës materiale.
Ngjarja ndodhi në lagjen nr. 17 të qytetit, ndërsa fatmirësisht nga të shtënat nuk pati të lënduar. Ishin banorët ata të cilët lajmëruan menjëherë policinë të frikësuar./ db/Abcnews.al
