Zlatan Ibrahimovic po kalon një rini të dytë te Milani. Kuqezinjtë janë përmirësuar shumë prej momentit që 39-vjeçari suedez nisi aventurën e dytë në Milanello.
Rezultate pozitive, vendi i parë në Serie A për ekipin e Piolit, teksa bomberi suedez kryeson renditjen e golashënuesve më të mirë me 10 gola të realizuar në 6 ndeshje.
Së fundmi ka marrë vlerësimin e radhës nga vendlindja. Ibrahimovic është zgjedhur futbollisti më i mirë suedez i vitit, duke fituar këtë çmim për herë të 12-të në karrierë.
Stort grattis till Magdalena Eriksson och Zlatan Ibrahimovic som vinner Diamantbollen och Guldbollen 2020 ??? Ni är sååå grymma! pic.twitter.com/4BRcYwdNVa
— Svensk Fotboll (@svenskfotboll) November 24, 2020
“Do të vazhdoj të luaj futboll deri në momentin që në stadiume të rikthehen tifozët. Nuk mund ta mbyll karrierën time para tribunave të boshatisura.
Jam 39 vjeç dhe fitova ‘Topin e Artë’ të Suedisë. Synimi im është ta fitoj këtë trofe edhe në moshën 50-vjeçare“, deklaron kampioni dhe lideri i Milanit. /abcnews.al
