Loading ...
Trajneri i kombëtares sonë, Edy Reja është padyshim një njohës shumë i mirë i futbollit italian dhe mediet vendase nuk hezitojnë asnjëherë të marrim mendimin.
Së fundmi, Reja ka dhënë një intervistë për Radio Rai, ku flet për kombëtaren tonë dhe gjendjen e kombëtares dhe ekipeve elitare italiane.
SCOUT NË PANDEMI – “Në këtë periudhë është e vështirë të shkosh dhe të shohësh drejtpërdrejt lojtarët, për fat të mirë ka mjete teknologjike që na lejojnë. Të gjithë lojtarët tanë luajnë jashtë, ata kanë kultura të ndryshme, por edhe pse nuk është e lehtë, po bëjmë një punë të mirë”.
TRANSFORMIMI – “Cikalleshi është sulmuesi që zgjidh problemet e mia, në Turqi ai nuk shënon shumë, por kur vjen te ne ai transformohet. E them këtë pa u hequr merita të tjerëve, që po bëjnë shumë mirë.”
LIGA B – “Ne u promovuam në Ligën B dhe tani do të përballemi me skuadra më të forta. Kjo do të na ndihmojë të rritemi më tej, gjithashtu në funksion të kualifikueseve për Kupën e Botës.”
FUTBOLLISTË NË ITALI – “Në Itali ka të rinj shqiptarë të regjistruar për sektorët e rinisë dhe për të gjitha kategoritë, ka rreth 13,000. Ne monitorojmë fëmijë të moshës 14-15 vjeç dhe kërkojmë talente të reja. Ky është viti zero për ne, po fillojmë një rrugë të re”.
ITALIA – “Trajneri Mancini është me të vërtetë shumë lart, ai ka krijuar një ekip që fiton dhe argëtohet. Nëse na bien në grup, do ishte e vështirë ndaj tyre, por do na ndihmonte të rriteshim”.
NGJESHJA E NDESHJEVE – “Kalendari duhet të jetë më pak i ngjeshur, por ky vit është me të vërtetë i veçantë. Ne jemi gjithashtu të detyruar të luajmë ndeshje miqësore, unë i kuptoj ekipet italiane që kanë shumë lojtarë jashtë dhe që ndoshta janë të angazhuar në kupat evropiane. Kështu që lojtarët luajnë çdo tre ditë, me shpresën se atëherë gjithçka mund të kthehet në normalitet “.
MILAN – “Ajo që Milani ka bërë që nga ardhja e Piolit dhe Ibras është shumë e rëndësishme. Trajneri ka krijuar një ekip të fortë me Rebic, Calhanoglu, Castillejo, Kessie dhe Bennacer janë rritur shumë.
Kuqezinjtë po tregojnë një futboll të shkëlqyer, ata kanë grintë dhe unë mendoj se mund ta përballojnë gjithë sezonin me këtë ritëm. Unë mendoj se ata janë konkurrues për të luftuar për kualifikimin në Champions League.”
NAPOLI – “Humbën në shtëpi ndaj Sassuolo dhe Milan, dy pengesa të rëndësishme. Në krahasim me vitet e tjera De Laurentiis nuk shiti askënd dhe bleu lojtarë të tjerë.
Dje i kuqi i Bakayoko ishte vendimtar, ai duhej të ishte pak më i kujdesshëm. Unë prisja më shumë nga Mertens dhe mungesa e Lozano dhe Osimhen u ndje shumë, janë të rëndësishëm për Napolin”.
YLLI I MILANIT – “Ibra është i jashtëzakonshëm dhe i ka të gjitha karakteristikat: fizike dhe teknike. Tani ai është gjithashtu lojtar ekipi, përvoja e ka bërë të ndihmojë shokët e skuadrës. Ronaldo për shembull është një lojtar më individual, Ibra është me të vërtetë i plotë”.
IBRA TRAJNER? – “Mendoj se është e vështirë sepse ai nuk ka shumë durim. Unë nuk mund ta shoh, por jetës kurrë nuk i dihet “.
INTER – “Ata kanë ulje dhe ngritje, tha Conte, ashtu si Gattuso, i cili tha se ekipit të tij nuk i mungon ana e ligë”, përfundon intervistën e tij trajneri i kombëtares sonë. /abcnews.al
