Një ekip ndërkombëtar i shkencëtarëve ka zbuluar një varr të 31,000 vjet më parë dhe në të mbetjet më të vjetra në botë të dy binjakëve identikë, përgjatë brigjeve të lumit Danub pranë qytetit Krems an der Donau, Austri.
Varri i përket periudhës së Paleolitit të Epërm, 40,000 deri në 10,000 vjet më parë që njihet si Epoka e Vjetër e Gurit. Në vendin e varrimit, shkencëtarët gjetën jo vetëm mbetjet e dy binjakëve, por edhe një foshnjë të tretë, i cili ka shumë të ngjarë një kushëri.
“Të zbulosh një varrim të shumëfishtë nga periudha e Paleolitit është një specialitet në vete. Fakti që ADN e vjetër e mjaftueshme dhe me cilësi të lartë mund të nxirret nga e brishta, mbetjet skeletore të fëmijës për një analizë gjenome tejkaluan të gjitha pritjet dhe mund të krahasohen me një biletë lotarie”, u shpreh Maria Teschler-Nicola, studiuesja kryesore e studimit.
Sakaq, në varret e vëllezërve u zbuluan 53 rruaza të modeluara nga fildishi i mamutit, të lidhura në gjerdan. Gjithashtu u gjetën tri molusqe të shpuara, të cilat ishin varëse në gjerdan. l.k/abcnews.al
