Ka përfunduar puntata e parë e spektaklit më të ri në ABC, ‘Gladiatori’.
Në drejtimin e dy moderatorëve Anna Lika dhe Enis Ujkani, ky emision dhuroi shumë emocione përgjatë mbrëmjes së sotme.
Të ftuar ishin katër aktorët e shkëlqyer të emisionit të humorit ‘Al Pazar’: Genc Lleshi, Klejdi Gishto, Alex Prodani dhe Ersiljano Xhelollari. Ata u përballën me gjashtë gara, ku në parën luajtën për 200 Euro, në të dytën për 400 euro. Ndërsa në të tretën, katër djemtë kanë garuar kundër gladiatorit të emisionit Enisit, ku rregulli kryesor ishte që duhet të përdornin shumë duart dhe asnjë pjesë të trupit.
Gara e katër u zhvillua symbyllurazi dhe pikësynim ishin fitorja e 200 Eurove. Në lojën e pestë, përsëri ishte pjesëmarrës moderator Enisi, i cili u ndesh me djemtë me shpata.
Sfida e fundit, ishte gjuatja me shtiza, e cila solli edhe përfundimin e betejës.
Në total, aktorët përveç se fituan një betejë të suksesshme, morën edhe plot 523 Euro në shtëpi. l.k/abcnews.al
