Kryeministri i Kosovës, Avdullah Hoti ka komentuar deklaratat e Presidentit të Serbisë Aleksandër Vuçiç i cili u shpreh nëse nuk arrihet një kompromis me Kosovën përmes bisedimeve të ndërmjetësuara nga BE, atëherë konflikti “i ngrirë” mund të “shkrihet” në të ardhmen, duke treguar si shembull konfliktin midis Armenisë dhe Azerbajxhanit.
Hoti në një komunikim për mediat u shpreh se deklaratat nga pala serbe nuk i shërbejnë paqes dhe stabilitetit.
Kryeministri i Kosovës deklaroi se koha e konflikteve ka kaluar dhe se çdo gjë zgjidhet përmes dialogut.
“Deklaratat nga pala serbe janë jo adekuate dhe nuk i kontribuojnë paqes dhe stabilitetit. Nuk janë në frymën për të cilën jemi dakordësuar të punojmë së bashku për dialogun. Mesazhet se qeverisë së Kosovës janë mesazhe të paqes dhe stabilitetit”, u shpreh Hoti./abcnews.al/
