Braziliani Danilo ka dhënë një rrëfim interesant në lidhje me Juventusin, trajnerin Pirlo dhe objektivat e tij. Mbrojtësi 29-vjeçar flet hapur për Globoesporte, aty ku tregon se nuk do të luajë shumë gjatë futboll.
“Jam i kënaqur që po luaj në një pozicion të ri te Juventusi këtë sezon. Shfrytëzimi i hapësirave është aspekti më i rëndësishëm në një ndeshje futbolli.
Ndihem shumë mirë me Pirlon si trajner. Ai është një lider i madh dhe ekziston harmonia mes tij edhe skuadrës. Ka rëndësi të madhe për një trajner fitimi i besimit të grupit.
Nuk flas vetëm në aspektin e respektit, por edhe në lidhje me ndjekjen e ideve futbollistike të trajnerit. Jam pjekur te Juventusi, ndihem mirë me karrierën time, po e shijoj jetën.
E ardhmja? Nuk besoj se do të vazhdoj të luaj futboll shumë gjatë. Dua të jem mirë fizikisht dhe psikologjikisht për aq kohë sa do të jem aktiv në futboll.
Vjen një moment kur duhet t’i dedikohesh gjërave të tjera, si të kalosh më shumë kohë me fëmijët, prindërit dhe vëllezërit. Do respektoj dy vitet e kontratës me Juventusin dhe dua të luaj si titullar në Katar 2022 me Brazilin“, deklaron Danilo. /abcnews.al
