Policia e Gjirokastrës ka vënë në pranga një 27 vjeçar i cili është kapur me drogë.
Sipas uniformave blu bëhet me dije se arrestimi i shtetasit E. C., 27 vjeç, është bërë në vendin e quajtur “Ura e Lumit”, ku gjatë kontrollit që ushtruan shërbimet e Policisë në automjetin e tij, gjetën 5. 5 gr. lëndë narkotike të llojit kokainë.
“Dispononte lëndë narkotike të llojit kokainë në automjetin e tij, vihet në pranga 27-vjeçari.
Sekuestrohen lëndë narkotike kokainë dhe një sasi lënde narkotike cannabis sativa.
Vihet në pranga poseduesi.
Në vijim të punës për goditjen e veprimtarisë kriminale në fushën e narkotikëve, specialistët e Seksionit për Hetimin e Narkotikëve në Drejtorinë Vendore të Policisë Gjirokastër arrestuan në flagrancë shtetasin:E.C., 27 vjeç, banues në fshatin Dhëmblan, Tepelenë.
Arrestimi i këtij shtetasi u bë pasi, në vendin e quajtur “Ura e Lumit”, gjatë kontrollit që ushtruan shërbimet e Policisë në automjetin e tij, gjetën 5. 5 gr. lëndë narkotike të llojit kokainë.Gjithashtu, nga kontrolli i kryer në banesën e këtij shtetasi u gjet një sasi lënde narkotike cannabis sativa”, shkruhet në njoftimin e policisë.e.su./abcnews.al
