Kandidati për president të Shteteve të Bashkuara nga radhët e Partisë Demokratike, Joe Biden, e ka thelluar epërsinë ndaj rivalit republikan, Donald Trump, edhe në shtetin perëndimor të Nevadas, pasi një gjë të tillë e bëri edhe në lindje – në Pensilvani.
Të premten, gara ndryshoi shumë në favorin e Bidenit pasi ai e përmbysi epërsinë e Trumpit në dy shtete shumë të rëndësishme për rrugën drejt fitores – në Pensilvani dhe Georgia.
Këto dy shtete së bashku kanë 36 vota në Kolegjin Zgjedhor dhe fituesi i tyre praktikisht do të jetë edhe fitues i zgjedhjeve në nivel kombëtar.
Joe Biden, përpos në Nevada, është duke prirë edhe në Pensilvani, Arizona dhe Georgia, ndërsa Trumpi tani për tani ka epërsi vetëm në Karolinën Veriore.
Kandidati republikan, Donald Trump, duke e parë rrjedhën e rezultatit, që po e çon drejt humbjes së zgjedhjeve, është përpjekur të hedhë dyshime për parregullsi dhe ka paralajmëruar ankesa ligjore në disa shtete.
n.d./abcnews.al
