Milan arriti një fitore shumë të rëndësishme pak çaste më parë kundër Interit në derbi. Të besuarit e Stefano Piolit kaluan me rezultatin 2-1 zikaltrit dhe tashmë e shikojnë veten në krye të renditjes. Trajneri i “Djallit” u shpreh shumë i lumtur për fitoren, por theksoi se ka ende vend për përmisim.
“E thashë edhe dje që rezultati nuk do të varet nga një episod i vetëm. Sigurisht kemi mundur një ekip që ka shumë kualitete dhe që neve na ka hapur shumë probleme, por sot ne i shfrytëzuam mirë rastet tona. Është një fitore e rëndësishme për ne, por kemi ende vend për përmisime”, deklaron italiani pas sfidës.
“Ibra? Ai ishte shumë i lodhur në fundin e takimit dhe më kërkoi zëvëndësimin, por këtë herë isha unë që e injorova kërkesën e tij. Zlatan është veçantë dhe ka shumë karakter. Vuajtëm pak në pjesën e dytë, por duhet të mësojmë nga gabimet tona”, mbyll Pioli. /abcnews.al
