Putin: Një tjetër vaksinë ruse kundër koronavirusit do të miratohet në tetor

Një tjetër vaksinë ruse kundër koronavirusit do të miratohet në mes të tetorit, tha Presidenti rus Vladimir Putin sot gjatë një takimi me kryetarin e partisë opozitare ukrainase, Viktor Medvetsuk.

Nga ana e tij, zëdhënësi presidencial rus Dmitry Peshkov, duke komentuar çështjen e vaksinës ruse në Ukrainë, e cila u diskutua gjatë takimit Putin-Medvetsuk , tha se vaksina ruse e koronavirusit mund të shpëtojë jetën e qytetarëve ukrainas, por furnizimi i vaksinës në Ukrainë varet nga qëndrimi i udhëheqjes ukrainase.

Gjatë takimit të tij me Putin, Medvetsuk i kërkoi udhëheqësit rus të merrte parasysh çështjen e furnizimit të Ukrainës me vaksinën ruse Sputnik-V .

Presidenti rus u përgjigj se një mundësi e tillë ekziston, se kjo çështje është e një natyre thjesht humanitare dhe se ajo që nevojitet është që Kievi zyrtar të formulojë kërkesat e tij mbi këtë çështje në një mënyrë të përshtatshme. /abcnews.al