Cristiano Ronaldo mund të përfundojë sërish në gjyq. Kathryn Mayorga ka vendosur të bëjë një padi civile në Las Vegas kundër portugezit, pasi pretendon për shkelje në vendimin e marrë në vitin 2009. Një histori e vjetër, që u pretendua e mbyllur, rikthehet.
Gjykata në Las Vegas ka vendosur të caktohet një datë për gjyqin dhjetorin ardhshëm, por përfaqësuesit e Ronaldos do tentojnë që kjo të mos ndodhë. Synimi është arritja e një marrëveshje me Kathryn, e cila nuk ia doli të ngrinte dot një çështje penale.
Akuzat për sulmuesin portugez ishin të forta në fillim, pasi pretendohej se e kishte përdhunuar modelën që tani është 35 vjeçe. Ngjarja kishte ndodhur në vitin 2009, kur Ronaldo dhe ajo u takuan në një nga diskot e qytetit të Las Vegas.
Sipas deklaratës së Mayorga, pas qëndrimit në klubin e natës ajo shkoi me portugezin në suitën e tij në ‘Palms Hotel and Casino’. Ajo e akuzonte Ronaldon se ai e detyroi për të qëndruar në dhomë dhe për ta kaluar natën bashkë.
Pas gjyqit të vitit 2010, Kathyrn pranoi të nënshkruante një marrëveshje konfidencialiteti dhe të merrte në këmbim 375,000 $, ndërkohë që në vitin 2018 e prishi atë dhe vendosi të nisë sërish seancat gjyqësore me pretekstin se kishte firmosur në gjendje të dehur. /abcnews.al
