Disa prej banorëve të fshatit Qafzez në Ersekë që u dëmtuan nga tërmeti i qershorit dhe nëntorit të vitit të shkuar akuzojnë se janë lënë tërësisht në harresë nga qeveria dhe pushteti lokal. Ata shprehen se e vetmja ndihmë që kanë marrë nga shteti janë disa rroba që banorët i kanë përdorur për të zënë të çarat e shtëpive të dëmtuara rëndë nga tërmeti. Zyra e shtypit të Partisë Demokratike ka shpërndarë për mediat një takim që ish-deputeti Ervin Salianji zhvilloi me këta banorë, që thonë se nuk kanë marrë zgjidhje.
Denoncimi i PD-se, biseda e Salianjit me banorët
Festim Çaushi: Ja ku janë. Rreckat që janë këtu mi dhanë vjet në nëntor, në 2 nëntor. Me 1 ra tërmeti i dytë, më 2 nëntor më dhanë këto dhe unë nuk i vura në gardërobë, por i vura për të zënë vrimat se më thanë do ti rregulloj. Ja seç i bëra, i vura këtu për të mos …
Salianji: Këto t’i dhanë nga tërmeti i qershorit apo i nëntorit?
Festim Çaushi: Dhe i qershorit dhe i nëntorit janë dy tërmete këtu.
Salianji: Sa lekë të kanë dhënë për shtëpinë?
Festim Çaushi: Fillimisht ma cilësuan në 1 qershor, 1 milionë e 324 mijë dëm,
Salianji: Dëm?
Festim Çaushi: Dëmin. Vjen eksperti i institutit të ndërtimit nga Tirana, një çun i ri. Unë kam qenë këtu shtrirë në krevat dhe ka ardhur ka thënë kjo shpia është e pabanueshme.
Salianji: Sa lekë ke marrë për këtë shtëpi?
Festim Çaushi: Asnjë, asnjë qindarkë mo, dhe nuk kam parë të vijë njëri siç erdhe ti sot.
Banori i dytë
Gazmor Kasëmi: Kemi 16 muaj që po bridhnim, vjet na thanë në tetor, në nëntor do hyni para 28-29 nëntorit. Kaloi ai vit, i morëm mobiliet i hoqëm. Na thanë do ju bëjmë shpi.
Salianji: Kjo është shpallur e pabanueshme si shtëpi?
Gazmor Kasëmi: Po!
Salianji: Po ju a jetoni këtu akoma?
Gazmor Kasëmi: Po akoma këtu dhe shpia ku flej sot jemi përpjekur me mundësitë tona edhe në institutin Tiranë, kemi vajtur i kemi bërë kartat, kanë ardhur në bashki dhe ne, kryetari na thotë kini durim, akoma se do i bëjmë . Kur do t’i bëjë se shirat filluan.
Salianji: 16 muaj!?
Gazmor Kasëmi: Po, kam 16 muaj që flej në, në pllaka.
Salianji: Po kanë ardhur ju thonë…
Gazmor Kasëmi: Që vjet në nëntor.
Salianji: Ju thonë do ju japin ndihma, ju thonë do jua ribëjmë shtëpinë, ju thonë do ju japim lekë?
Qytetari: As, asnjë gjë, jam vetë i 6-ti.
Salianji: Para ju kanë dhënë? Keni marë?
Gazmor Kasëmi: Kokërr leku.
Banorja e trete
Minushe Merka: Unë s’kam. Jam e sëmurë me astëm, me tre pompa t’i nxjerri ilaçet ti shikosh me kortizonë e me të gjithë edhe nuk vë dorë njeri. Burrin e kam papunë..
Salianji: Po ju, këtu flini, te kjo?
Minushe Merka: Ne ktu flejmë.
Salianji: Asnjë ndihmë!
Qytetari: Absolutisht, moj s’na kanë hedhur sytë! Na shikojnë se çfarë jemi, sikur jemi, jo sikur jemi popull jetojmë të gjithë bashkë e vëllezër e motra, por sikur jemi hasëm. Edhe hasmi që është hasëm bëhet një veprim.
db/Abcnews.al
