Pak më shumë se një muaj pas shpërthimit në Bejrut, Elie Saab i ka kushtuar një koleksion të veçantë kryeqytetit libanez. Stilisti Elie Saab zbuloi koleksionin vjeshtë-dimër dedikuar kryeqytetit libanez dhe përmes një videoje ku prezantoi krijimet e reja i bëri homazhe muzës së tij të përjetshme.
Elie Saab ishte në gjendje të krijonte koleksionin e quajtur ” Burimi i Shenjtë” që tregon forcën dhe qëndrueshmërinë, diçka që qyteti i Bejrutit e ka përjetuar ndër vite me morinë e sfidave me të cilat është përballur. Modelet ecin me hijeshi përmes një pylli dhe duke dalë në dritë nga një shteg i fshehtë, bien në sy pëlhurat e përdorura.
Me Bejrutin në qendër të koleksionit, Saab ka qenë në gjendje të tregojë rrugën e rezistencës për qytetin magjik të Bejrutit, duke na treguar të gjithëve se është e mundur të ëndërrojmë dhe të shpresojmë për një të ardhme më të mirë. xh.d/abcnews.al
