Një person në Vlorë është shpallur në kërkim pasi dyshohet të ketë kultivuar disa bimë kanabis sativa. Njoftohet se 60-vjeçari B. B., ka kultivuar kanabis afër një stani në Kuç.
Po ashtu njoftohet se në pranga është vënë 21-vjeçari A.G., banues në Vlorë pasi është kapur duke drejtuar mjetin në gjendje të dehur.
Ndërsa, në Sarandë policia ka arrestuar në flagrancë 32-vjeçarin K.D., pasi ditën e djeshme dyshohet të ketë vjedhur në fshatin Konispol një motor tip “Dayang” në pronësi të J.P.
Njoftimi:
Vlorë
Policia ka ndaluar shtetasin e shpallur në kërkim B. B., 60 vjeç, banues në fshatin Kuç, Vlorë, pasi ky shtetas dyshohet se është autorë i kultivimit të disa fidanëve të dyshuar kanabis sativa, afër një stani në fshatin Kuç.
Policia ka arrestuar në flagrancë shtetasin A. G., 21 vjeç, banues në Vlorë, pasi ky shtetas u kap në aksin rrugor të lagjes “Ujë i Ftohtë” duke drejtuar automjetin në gjendje të dehur.
Sarandë, Policia ka arrestuar në flagrancë shtetasin K. D., 32 vjeç, banues në fshatin Shëndëlli, Sarandë, pasi ditën e djeshme në fshatin Konispol dyshohet se ka vjedhur motorrin tip “Dayang” në pronësi të shtetasit J.P.
Materialet iu referuan Prokurorisë për veprime të mëtejshme. /abcnews.al/
