Bandat që operojnë në Mbretërinë e Bashkuar kanë filluar të përdorin një tjetër sistem të mesazheve në telefon që nuk mund të përgjohet nga policia.
Mësohet se ato përdorimin e shërbimit të komunikimit telefonik SKYECC, që pretendohet se është më i sigurt, ndërsa më parë kanë përdorur sistemin EncroChat.
Policia ka shkatërruar shërbimin EncroChat, duke çuar në arrestime të shumta në të gjithë Evropën.
Ndërsa, sistemi SKYECC me bazë në Vankuver pretendohet se nuk mund të hackohet në të njëjtën mënyrë.
EncroChat dyshohet se është përdorur nga 60,000 kriminelë në të gjithë globin, 10,000 prej të cilëve ishin me qendër në Mbretërinë e Bashkuar.
EncroChat siguroi një sistem të mesazheve të koduar dhe përdoruesit mund të fshinin nga distanca telefonin e tyre nga të gjitha të dhënat dhe përmbajtjet.
Por në fillim të këtij viti ekspertët e kompjuterave të policisë franceze dhe holandeze ishin në gjendje të thyejnë kriptimin dhe të monitorojnë mesazhet e mijëra banditëve, shkruan abcnews.al.
Ata i dhanë Agjencisë Kombëtare të Krimit të Mbretërisë së Bashkuar qasje në 10,000 llogari që përdoren nga bandat që veprojnë këtu.
Një numër vrasjesh dhe komplote që po planifikoheshin përmes EncroChat gjithashtu u shkatërruan.
Por një burim nga “bota e nëndheshme” tani ka pohuar se bandat në Britani të Madhe po përdorin sistemin jetër SKYECC, shkruan abcnews.al.
Një bandit shqiptar, me qendër në Mbretërinë e Bashkuar, siguroi fotografi të mesazheve me SKYECC që shpjeguan pse nuk mund të hakohej.
Burimi tha: “Ne e dimë se çfarë ndodhi me EncroChat dhe tani jemi duke përdorur SKYECC. Ne jemi profesionistë dhe e dimë se çfarë bëjmë me komunikimin. Komunikimi i sigurt është jetik për njerëzit në këtë biznes. Ne duhet të merremi me partnerët tanë në Amerikën e Jugut dhe nuk mund t’i bëjmë marrëveshjet e kokainës në një mënyrë normale.”
Express.co.uk shkruan se gazetari shqiptar Artan Hoxha ka komunikuar me burime nga bota e krimit dhe është konfirmuar se tani bandat përdorin SKYECC.
Ai tha se telefonat EncroChat u përdorën nga “mbretërit shqiptarë të drogës” për rreth dy vjet, por ata kupruan që hetuesit ishin në sistem dhe ndryshuan shërbimin.
“Ky ishte një sinjal për bosët e mëdhenj të drogës shqiptare që të mos përdorin më EncroChat por disa njerëz në MB dhe Shqipëri vazhduan ta përdorin atë”, tha Hoxha.
“Kërkesa e tillë për këto lloj telefoni ka bërë që ndërmarrje të ndryshme të fillojnë të furnizojnë komunikim të sigurt. Bosët shqiptarë të krimit paguajnë para për njerëzit e IT për të punuar për ta dhe për të siguruar një komunikim të sigurt. Për ta është bërë si një lojë mace dhe miu, për të mos u përgjuar nga policia“, është shpprehur Artan Hoxha.
Një zëdhënës i Agjencisë Kombëtare të Krimit tha: “Kriminelët gjithmonë do të gjejnë një mënyrë për të komunikuar dhe ka pajisje të koduara përveç EncroChat në treg. Sidoqoftë, ne nuk jemi në gjendje të diskutojmë platforma specifike në këtë kohë”. /abcnews.al
