Pas më shumë se 5 ditësh, në orën 00:40 të mbrëmjes së djeshme pritja e emigrantëve shqiptarë që prisnin në Kakavijë mori fund.
Të lodhur, të sfilitur dhe me shpresën që i venitej ata pritën deri në orët e para të mëngjesit të sotëm për t’u kthyer në shtëpi.
Ditën e djeshme, fotoja e një djaloshi të vogël të përlotur bëri xhiron e rrjetit.
Por video është akoma dhe më e dhimbshme. Ai gjendet në mes të një turme të madhe me njerëz të zemëruar nga pritja, por nuk trembet nga kjo.
Tashmë ai do të kthehet në shtëpi, dhe i shtrëngon pasaportat si të jenë shpëtimi i vetëm për të dhe dy vëllezërit e tjerë.
Biseda mes babait, djalit dhe punonjësit të policisë
Babai i drejtohet policit: Hapu more, hapu
Qytetarët: Hapuni se ka djalin
Djali: Dua të iki në shtëpi
Babai: Po ku ta gjej shtëpinë unë këtu, ku ta gjej shtëpinë
Polici: Hajde tek xhaxhi, hajde tek xhaxhi, hajde të marr xhaxhi, të dalim pak. Të lutem, Të lutem
Babai: Po ça të lutem, shiko si më është bërë fëmija, unë s’kam vetëm këtë kam tre fëmijë, kam dhe dy të tjerët andej matanë
/abcnews.al
