Përrallat e përshkruajnë dashurinë në mënyrën më të mirë të mundshme, e cila është dhe një arsye se pse duhet t’i mësoni fëmijët të kuptojnë realitetin që paraqitet. Së pari, fëmijët duhet të dinë se dashuria nuk është ashtu siç paraqitet në përralla. Bright Side shpjegon disa koncepte të rëndësishme që prindërit duhet t’u mësojnë fëmijëve për dashurinë, shkruan abcnews.al.
Abuzimi nuk është dashuri
Nëse fëmija juaj vjen në shtëpi duke qarë se të tjerët e kanë bezdisur, mos i thoni se ata janë të fiksuar pas tyre. Nëse ata mendojnë kështu, ata do të mësojnë se abuzimi është një shenjë dashurie dhe kjo nuk është e shëndetshme.
Në dashuri duhet të japësh dhe të marrësh
Është e lehtë të dëshironi t’i lejoni fëmijët të marrin gjithë dashurinë dhe vëmendjen tuaj. Por, gjithashtu duhet të dinë që nuk mund të jenë vetëm ata që duhet të përfitojnë. Aq sa meritojnë dashurinë nga të tjerët, ata gjithashtu duhet të mësojnë të bëjnë kompromis dhe të japin dashuri tek të tjerët.
Të duash të tjerët nuk do të thotë që duhet ta duash veten më pak
Fëmijët tuaj duhet ta dinë se kur e duan dikë, nuk do të thotë se ata duhet të sakrifikojnë veten e tyre dhe të fokusohen vetëm tek të dashurit e tyre. Sigurisht, kompromisi është i rëndësishëm në çdo marrëdhënie, por ata nuk duhet ta duan veten më pak në mënyrë që të duan dikë tjetër. Fëmijët e mësojnë këtë duke parë marrëdhënien e prindërve të tyre.
Respekti është thelbësor në dashuri
Fëmijët duhet ta dinë që respekti dhe dashuria duhet të shkojnë krah për krah. Ata duhet të fitojnë respekt nga të tjerët dhe anasjelltas. Gjithashtu duhet të mësojnë se meritojnë respekt, ashtu si çdo person tjetër. Dashuria pa respekt mund të jetë toksike.
Të duash veten është lloji më i rëndësishëm i dashurisë
Fëmijët duhet të kuptojnë ndryshimin midis të qenurit egoist dhe të vlerësuarit të vetvetes. Nëse duhet të mësojnë të mos shkelin mbi të tjerët për përfitimin e tyre, ata gjithashtu duhet të dinë të pranojnë veten për atë që janë. Nuk duhet të ndryshojnë vetveten për të marrë vëmendjen e dikujt tjetër.
Ndonjëherë dashuria nuk zgjat përgjithmonë
Filmat romantikë mund t’i bëjnë fëmijët tuaj të besojnë se dashuria zgjat përgjithmonë. Por e vërteta është se ndonjëherë është më mirë t’i japësh fund një marrëdhënie para se të hedhësh një hap më tej. Ata duhet të kuptojnë se të gjitha momentet e kaluara gjatë kohës kur kanë qenë të dashuruar, nuk ishin humbje kohe, por thjesht mësime për një përvojë më të mirë në të ardhmen.
Dashuria kërkon përpjekje
Të rinjtë duhet të mësojnë se që dashuria të zgjasë, ata duhet të bëjnë përpjekje për të. Nëse dikush ka rëndësi për të, duhet të jetë i gatshëm të bëjë përpjekje pasi dashuria e përjetshme nuk është e pamundur.
Ndonjëherë mund të ketë dhe dashuri të njëanshme
Pavarësisht se prindërit mundohen t’ju japin fëmijëve të tyre gjithçka që dëshirojnë, ndonjëherë ata duhet të pranojnë jo gjithmonë mund ta marrin atë që duan. Dashuria e njëanshme mund të sjellë shumë dhimbje, por duhet të mësohen me këtë. Përvoja do të jetë më pak shkatërruese nëse ata tashmë e dinë se çfarë të presin dhe se ju do të jeni të gatshëm për t’i mbështetur.
Dashuria duhet t’ju bëjë një person më të mirë
Ka shumë lloje dashurie dhe fëmijët tuaj duhet të kuptojnë se ata meritojnë atë lloj që i bën ata një person më të mirë. Mësojini se dashuria duhet t’i inkurajojë të kenë një të ardhme më të ndritshme dhe të jenë një person më i mirë. /abcnews.al/
