Emiljano Ramazani u ekzekutua pasditen e djeshme poshtë pallatit të tij në Elbasan. 39-vjeçari u ndoq nga autorët nga palestra për të banesë, ndërsa u qëllua teksa ishte ende në automjetin e tij.
Grupi hetimor bëri krehjen e zonës, ndërsa kanë nisur hetimet. Ndërkohë, nga pamjet që ka siguruara abcnews.al hetuesit kanë harruar një gëzhojë në vendin e ngjarjes.
39-vjeçari është qëlluar me pistoletë, ndërsa ende nuk është e qartë për policinë lloji i pistoletës që është përdorur.
Me urdhër të prokurorisë janë sekuestruar kamerat e sigurisë nga palestra në lagjen “Beqir Dardha” ose siç njihet ndryshe zona e Tabakanes deri në vendin ku u ekzekutua 39 vjeçari.
Një kamer pranë vendit të ngjarjes ka fiksuar të gjitha lëvizjet e autorëve para atentatit dhe pas kryerjes së tij.
LEXO EDHE: Autorët e ndoqën, si u vra Emiljano Ramazani pasi doli nga palestra
Emiliano Ramazani ishte me precedent të mëparshëm penal në fushën e narkotikëve. Ai njihet njihet edhe si mik i Talo Çelës, ky i fundit ende në arrati pasi është shpallur në kërkim për “Grabitjen e Rinasit”. /abcnews.al
