11 vite nën kontratë me Everton, por Carlo Ancelotti as që e njeh. Mbrojtësi i majtë, Luke Garbutt, ka njoftuar largimin në rrjetet sociale dhe tashmë është i lirë të vendosë vetë për të ardhmen, pas shumë e shumë huazimeve.
“Sot zyrtarisht kontrata ime me Evertonin ka përfunduar, pas 11 vitesh që kam qenë në klub. Everton ka qenë një pjesë e rëndësishme e jetës sime dhe ka qenë një nder i madh për mua ta përfaqësoj. Ka pasur shumë ulje dhe ngritjr që nuk mund të kontrollohen. Evertonit i uroj fat në të ardhmen”, shkruan Garbutt në Twitter.
Komentet kanë qenë të shumta dhe ka nga ata që mendojnë se kurrë mbrojtësit nuk iu dha mundësia të tregonte vlerat e tij. Cheltenham, Colchester, Fulham, Ëigan, Oxford dhe Ipsëich së fundmi janë skuadrat me të cilat Garbutt është aktivizuar.
Trajner Ancelotti, në konferencën e zakonshme për shtyp, është pyetur në lidhje për mbrojtësin dhe reagimi i tij po bën xhiron e internetit. “Kush? Më vjen keq, por jam i suprimuar nga kjo pyetje. Nuk e di”, thotë italiani, i cili pyetet pse u largua nga klubi mbrojtësi 27-vjeçar. /abcnews.al
