Vetëm Enkel Demi mund të ndryshojë format në fund të sezonit mediatik.
Tashmë emisionit të mëngjesit në “Abc News” i janë shtuar imazhe të reja dhe mbi të gjitha i janë shtuar ngjyrat e studios së ideuar nga skenografi i njohur Albi Çifligu, si dhe formë dhe përmbajtje e re sfiduese e shpesh here edhe provokuese.
Sibora Bitri, lë pas edicionet informative në “Abc News“, për t’ju bashkuar Enkel Demit në një format më të lirshëm dhe jashtë kornizës së ngurtë të lajmeve.
Alban Musa, përveshi që prej kësaj të hëne mëngët në një kuzhinë të re, ku cdo ditë do të gatuaj jo vetëm me shefa të njohur të kulinarisë, por edhe me personazhe te panjohur qe kane passion kuzhinen.
Të ftuar e tema të larmishme: Informacion, shoëbiz, histori personale, njerëz të njohur e të panjohur do të kenë hapësirën e tyre në emisionin ABC-ja e Mëngjesit.
Risi gjithashtu është fakti se gazetarët do të jenë pjesë aktive e studios, por edhe në lidhje direkte nga terreni për të sjellë në kohë reale çdo informacion të fundit.
Energjinë e duhur të mëngjesit do e merrni vetëm në “Abc-ja e mengjesit”. /abcnews.al
