I dërguari i posaçëm i për dialogun Kosovë-Serbi, Richard Grenell, ka mirëpritur vendimin e marrë nga kryeministri i Kosovës, Avdullah Hoti për anulimin e pjesëmarrjes së tij në takimin e Uashingtonit. Anulimi vjen pas zhvillimeve të fundit në Kosovë.
Me anë të një postimi në Twitter, Grenell shprehet se e mirëkuptojnë vendimin e Hotit, dhe se po punohet për të caktuar datën e re të takimit.
“Faleminderit, Kryeministri Hoti. Ne e kuptojmë vendimin tuaj dhe mezi presim të ricaktojmë takimin e ri së shpejti”, shkruan Grenell.
Kujtojmë këtu se më herët, kryeministri Hoti njoftoi se për shkak të zhvillimeve të reja në Prishtinë si rezultat i propozim-aktakuzës të paraqitur nga Prokuroria e Specializuar, nuk do të marrë pjesë në takimin e 27 qershorit në Shtëpinë e Bardhë. /abcnews.al/
Thank you, Prime Minister Hoti. We understand your decision and we look forward to re-scheduling the meeting soon. https://t.co/BNOygifIyY
— Richard Grenell (@RichardGrenell) June 25, 2020
