Një palestër në Kaliforni ka gjetur mënyrën ideale për tu mbrojtur nga koronavirusi. Përpos matjes së temperaturës së klientëve në hyrje dhe përdorimit të maskave, palestra gjithashtu do të sigurojë një kabinë ushtrimi për çdo klient.
Brenda kabinave, të cilat u instaluan për vetëm 3 ditë, gjenden veglat dhe pajisjet që ata do të përdorin. Gjithashtu, palestra do të funksionojë me gjysmën e kapacitetit, dhe klientëve do iu duhet të lënë takime, në mënyrë që të kontrollohet numri i tyre.
“Është vërtetë shumë e vështirë, nuk ishim të sigurtë nëse do të rihapeshim sërish. Por, tani me këtë zgjidhje, është më e përballueshme dhe mund të rihapemi duke qenë më të sigurt për të ruajtur shëndetin e klientëve tanë.”, tha pronari i palestrës. /abcnews.al
