Loading ...
Serie A ende nuk dihet kur rinis, edhe pse Liga ka zgjedhur datën 13 qershor. Lazio është një nga klubet që ka ngulmuar më së shumti që gara të rifillojë dhe drejtuesit e klubit po mendojnë që në “Olimpico” të ketë tifozë të pranishëm, sigurisht jo fizikisht.
Tifozët do të mund të vendosin foton e tyre në stadium, sikurse ndodh në Gjermani në stadiumin e M’Gladbah. Gjithçka është zbuluar nga Stefano De Martino, drejtori i komunikacionit në klubin e Serie A. “Klubi po mendon t’u japë tifozëve të Lazio mundësinë të jenë në të stadium kur ndeshjet të rinisin.
Mund t’ju them se po punojmë dhe javën tjetër do e zbulojmë të gjithë skemën. Do të lejojmë, që ata që duan të jenë të pranishëm në stadium, të dërgojnë fotografitë e tyre dhe t’i vendosim aty ku qëndrojnë.
Do ta shpjegojmë më vonë se si mund të ndodhë kjo, pasi po ndërtojmë një faqe në internet, që do i dedikohet kësaj iniciative”, është shprehur De Martino, ndërkohë që te Lazio mezi presin të zbresin në fushë, në mënyrë që të luftojnë me Juventusin për titullin kampion. /abcnews.al
