Real Madrid nuk do të rikthehet në “Santiago Bernabeu”. Futbolli është gati të rinisë në Spanjë dhe data 12 qershor është zgjedhur për rifillimin e kampionatit. “Los Blancos” rivalizojnë me Barcelonën për titullin kampion, teksa numërojnë një pikë më pak se rivalët e përjetshëm.
Ndeshjet do të zhvillohen pa tifozë dhe Reali do të luajë në shtëpi 6 nga 11 ndeshjet e mbetura të këtij sezoni. AS raporton se drejtuesit kanë vendosur që ndeshjet shtëpiake të luhen në Valdebebas, qendrën stërvitore të klubit të famshëm.
La Liga ka pranuar dhe ka dhënë lejë për diçka të tillë. Tani pritet një konfirmim nga UEFA. Djemtë e Zidane mbeten në garë për një vend në çerekfinalet e Champions League dhe dëshirojnë të mbyllin këtë sezon në Valdebebas, gjithmonë nëse ia dalin të eliminojnë Cityn e Pep Guardiolës. /abcnews.al
