Mario Goetze ndodhet në vitin e fundit të kontratës me Borussia Dortmund. Fantazisti gjerman, i cili mbetet idhull për golin historik të shënuar në finalen e kupës së botës së vitit 2014 kundër Argjentinës, ka vendosur të vazhdojë karrierën në Serie A.
Një dëshirë e kahershme e 27-vjeçarit dhe tre janë alternativat. Bild raporton se Goetze pëlqehet nga Roma, Napoli dhe Inter. Verdhekuqtë kanë hedhur një hap para dhe po përgatisin një ofertë për lojtarin që këtë sezon numëron 3 gola të shënuar në 19 ndeshje.
Drejtori sportiv i Romës, Gianluca Petrachi ka nisur negociatat me agjentin e Goetze për të arritur sa më shpejt një marrëveshje. Napoli dhe Inter janë gati për të ndërhyrë. Të sigurosh me parametra zero një lojtar të tillë është luks dhe për shërbimet e gjermanit do të kemi një garë treshe. /abcnews.al
