Loading ...
Deri më tani, në vendin tonë nga koronavirusi janë shëruar 10 qytetarë. Lajmin e ka konfirmuar edhe ministrja e Shëndetësisë Ogerta Manastirliu.
Në një postim të sajin në Facebook, Manastirliu thotë se ata kanë dalë negativë për koronavirusin në dy teste dhe tashmë ndodhen në shtëpitë e tyre. Pas dërgimit në shtëpi, të shëruarit do të qëndrojnë të vetë-izoluar edhe për 14 ditë të tjera.
Postimi:
Lajm i mirë??
10 qytetarë që ishin prekur nga Covid-19, tashmë kanë rezultuar negativë në dy testet e njëpasnjëshme.
Të gjithë ndodhen në shtëpitë tyre, ku do të vazhdojnë të jenë të vetë-izoluar për një periudhë 14 ditore.
Faleminderit mjekëve për shërbimin! Një lutje për të gjithë qytetarët: Jemi ende në fillimet e kësaj lufte, prandaj durim. Ju ndihmoni mjekët tanë duke zbatuar rigorozisht masat e higjenës dhe distancimit social.
Dhe ata, mjekët, infermierët, sanitarët, punonjësit e shërbimeve mbështetëse, do t’u shërbejnë me të gjithë forcën dhe profesionalizmin, atyre që do të kenë nevojë.
Kështu fitohet kjo luftë. Me durim dhe bashkëpunim.
#BashkëJaDalim
