Loading ...
Në studion e lajmeve në Abc News pasditen e së dielës ishte Arben Gjata, rektor i Univeristetit të Tiranës. Ndër të tjera, duke folur për situatën e përhapjes së koronavirusit në vendin tonë, Gjata ka treguar edhe se kur mund të arrijë pikun epidemia.
Endri Xhafa:
Në këtë periudhë që jemi tani statistikisht, kur mendoni se do ta kemi pikun ne?
Rreth dy javë nga fundi i javës së kaluar. Pra, nga fundi i marsit fillimi i prillit jemi në pik të epidemisë.
I pyetur nga gazetari Xhafa se sa mund të jenë shifrat që mund të arrihen deri atëherë, Arben Gjata u përgjigj se këtë nuk mund ta parashiknte dot pasi nuk është epidemiolog.
Gjithsesi, sipas tij, kjo do të varet nga zbatimi i rregullave nga ana e qytetarëve, pra nga sa do të respektohen masat e marra si brenda ashtu edhe jashtë familjeve.
Duke krahasuar situatën me Italinë, rektor i UT u shpreh më tej:
“Ne jemi dy javë pas Italisë, i bie që të jemi pesimistë në fund të marsit dhe fillimin e prillit. Kurba është sot kjo, por nuk e dimë si mund të jetë nesër.”
Sa i përket meaxhimit të situatës me këto burime njerëzore që kemi,Gjata u shpreh se “do përpiqemi, do bëjmë maksimumin’, por çdo ndihmë ekstra do të ishte një plus.
Ndëra për të shëruarit e parë, Gjata tha se duhet të presim të paktën tre javë. “Nëse je pozitiv, duhet të negativizohesh që të quhesh i shëruar.” /abcnews.al/
