Lazio ka gjetur akordin për rinovimin e kontratës së një prej lojtarëve më të çmuar që ka. Flasim për Luis Alberton, njeriun asist të skuadrës së Simone Inzaghit. Spanjolli ka zhvilluar një sezon të mrekullueshëm deri tani, teksa numëron 4 gola dhe 12 asiste të dhuruara në kampionat.
Kontrata aktuale i përfundonte në verën e vitit 2022, ndërsa ajo e reja do të zgjashë edhe tre vite më shumë. Igli Tare ka arritur marrëveshjen me agjentin e 27-vjeçarit sipas mediave italiane dhe tani pritet vetëm zyrtarizimi.
Luis Alberto do të përfitojë një rrogë prej 3 milion eurosh në sezon nga kontrata e re. Ai është pjesë e Lazios prej gushtit të vitit 2016, kur erdhi në kryeqytet nga anglezët e Liverpool. /abcnews.al
