Një burrë nga Hampshire në Britani ndërtoi një shtëpi me vlerë 140 mijë paund vetëm duke parë video në youtube, pasi ai nuk kishte eksperiencë në fushën e ndërtimit.
Edhe pse iu deshën dhjetë vite për të përfunduar shtëpinë, 51-vjeçari Graham Harley tani është pronari i një shtëpie me pesë dhoma gjumi në Ringwood.
Duke balancuar kohën e tij midis punës dhe familjes ai mësoi të ndërtonte nga interneti.
Shtëpia njëkatëshe përfshin dy tualete, një sallon, dhomë ngrënie dhe kuzhinë.
Graham dhe partnerja Mandie Wales, 48 vjeç, jetuan në një shtëpi të përkohshme derisa punimet vazhdonin- dhe madje gjatë kësaj periudhe gruaja lindi edhe një fëmijë shkruan Somsetlive
Çifti tani jeton tek shtëpia që ndërtuan dhe planifikojnë të pensionohen atje.
Çmimi mesatar i shtëpive në zonën përreth është rreth 450,000 paund ndërkohë që Graham shpenzoi vetëm 140 mijë paund.
Graham tha se: “Fëmijët kishin reagime të ndryshme!
“Por ata ishin mjaft tolerantë. Ata madje ndihmuan në lyerjen e dhomave të tyre.
I gjithë projekti i cili nisi në vitin 2008 dhe përfundoi në vitin 2018, megjithëse familja u zhvendos aty në një vit më vonë./abcnews.al
