Ibrahim Kelmendi, ish-anëtari i Lëvizjes Popullore të Kosovës, ka reaguar pas vrasjes së vëllait të tij, Qerim Kelmendi. Në orët e para të mëngjesit të së enjtes, Qerim Kelmendi u gjet i vrarë dhe i djegur në makinën e tij.
Ibrahim Kelmendi, ka publikuar në profilin e tij në Facebook një fotografi të vëllait, bashkë me heronjtë Ilir Konushevcin dhe Adrian Krasniqin.
“Festoni rugovistë “pacifistë” – dorë e zgjatur vrastare e Serbisë! Mallkimi dhe turpi ju mbulofshin”, ka shkruar ai.
Ish-pjesëtari i Ushtrisë Çlirimtare të Kosovës, Qerim Kelmendi, dyshohet se u gjet i djegur në veturën e tij në fshatin Zahaq të Komunës së Pejës, gjatë orëve të para të mëngjesit të së enjtes.
https://www.facebook.com/photo.php?fbid=1111861769165341&set=a.120495504968644&type=3&theater
Përmes një komunikate për media, policia ka thënë se fillimisht ishte lajmëruar për një veturë të djegur, në fshatin Zahaq të Pejës.
“Policia e Kosovës Drejtoria Rajonale e Policisë në Pejë, është informuar se në fshatin Zahaq-Pejë, në një rrugë është duke u djegur një veturë. Me të marrë informatën njësitet e Stacionit Policor në Pejë kanë shkuar në vendngjarje, ku vërejtur një veturë e cila ishte përfshirë tërësisht nga zjarri. Në vendin e ngjarjes kanë arritur njësitet e zjarrfikësve të cilët e kanë shuar në tërësi zjarrin”, ka bërë të ditur policia.
Policia ka sqaruar rrethanat në të cilat është gjetur i vrarë e më pas i djegur viktima.
“Gjatë kohës derisa zjarrfikësit ishin duke lokalizuar zjarrin në brendësi të veturës është vërejtur një person (viktimë mashkull) trup i karbonizuar. Vendit të ngjarjes i janë përgjigjur njësitet relevante të sektorit rajonal të hetimeve, njësiti K9, si dhe prokurori i shtetit dhe ekipi mjekësor, të cilët kanë konstatuar vdekjen e viktimës. Gjatë shikimit të vendit të ngjarjes është konstatuar se vetura e djegur është e tipit VË Passat me targa vendore”, thekson policia.
