22 ndeshje, 7 gola, 4 asiste: Këto janë statistikat tepër pozitive të yllit të Sassuolos, Jeremie Boga. 23 vjeçari, edhe pse luan në një skuadër që po vuan këtë sezon, po bën ndeshje të shkëlqyera dhe shpeshherë, është rreziku numër një për ekipet kundërshtare.
Anglezi u transferua te Sassuolo në verën e vitit 2018, për vetëm 3 milion euro. Sot, Boga vlerësohet mbi 50 milion dhe ky transferim, duket shumë i zgjuar i ekipit italian.
Në Serie A, Boga është i pari sa i takon driblimeve të suksesshme, me plot 97 të tilla. Lionel Messi për Barcelonën, ka 100 driblime të suksesshme, vetëm 3 më shumë se ylli i Sassuolos.
Në 5 ligat europiane, Boga renditet i katërti, pas Adama Traore, Zaha dhe Messit. Ndërsa në Itali, është lider absolut dhe numëron minimalisht 32 driblime të suksesshme më shumë se ndjekësit.
Tifozët e Chelsea e duan mbrapsht 23 vjeçarin dhe mbetet për t’u parë nëse Blutë e Londrës do të hapin thesin në verë./abcnews.al
Jérémie Boga has completed at least 32 more take-ons than any other player so far this season.
In Europe’s top five leagues, only three players have more. ? pic.twitter.com/W6sO0tDNj5
— Squawka Football (@Squawka) February 12, 2020
