Tottenham triumfoi me rezultatin 3-2 vetëm në fund ndaj Southampton në FA Cup. Londinezët iu falën një penalltie, që u kthye në gol nga Son Heung-Min, tre minuta nga përfundimi i kohës së rregullt. Shumë i diskutueshëm ai 11-metërsh, por u vendos me ndihmën e VAR dhe më pas “Spurs”-at iu gëzuan golit të triumfit.
Pas ndeshjes, trajneri Jose Mournho ka folur për BT Sport dhe ka theksuar se humbi skuadra e tij në fushë. Gjithsesi ai thekson se Tottenham në fund e meritoi fitoren dhe kualifikimin. “Duhet të jem i sinqertë dhe mendoj se humbi skuadra më e mirë.
Skuadra më e mirë në fushë fitoi, por skuadra me më shumë zemër, skuadra së cilës lojtarët i shkuan në limite, fitoi”, u shpreh fillimisht trajneri portugez. Më tej ai shtoi: “Në stol nuk kisha opsione për të ndryshuar ndeshjen.
Edhe Dele Alli, që u fut, ishte në kushte të vështira. Kështu që mendoj se ekipi im e meritoi të fitonte. Ekipi më i mirë humbi, por ekipi im e meritoi fitoren”. Para disa ditësh për Southampton pati fjalë të mira edhe nga Jurgen Klopp, trajneri i Liverpool. /abcnews.al
