Milot Rashica dhe ndeshjet e kupës? Po, kjo është përshtatja ideale. Në pesë ndeshjet e fundit të vlefshme për kompeticionet e kupave, Rashica gjithmonë ka qenë i suksesshëm, duke vendosur edhe rekord me klubin e Werder Bremen.
Sulmuesi shqiptar ka shënuar në 5 ndeshje radhazi të vlefshme për kompeticionet e Kupave, duke lënë pas Heinz-Dieter Hasebrink, Uwe Reinders dhe Wynton Rufer, të cilët kishin shënuar në katër ndeshje radhazi.
Në sfidën e djeshme kundër Borussia Dortmund, Rashica ishte i jashtëzakonshëm, duke asistuar golin e parë dhe duke shënuar të tretin, që i dha fitoren 3-2 jeshilëve kundër Borussias./abcnews.al
