Interi ka një plan. Pasi ka bërë disa përforcime në merkaton e janarit, tani në kampin zikaltër po mendojnë të rinovojnë me dy nga lojtarët më të rëndësishëm të formacionit të Contes. Corriere Dello Sport raporton se puna ka nisur.
Sami Handanovic, kapitenit të Interit, pritet t’i ofrohet një kontratë e re, që do të zgjatej edhe për një vit tjetër. Kështu, me marrëveshjen e re portieri 35-vjeçar do të mbetej pjesë e klubit italian deri në verën e vitit 2022. Pavarësisht moshës, tek Interi mendojnë edhe t’i rritin pagën portierit.
Lojtari tjetër me të cilin duan të rinovojnë kontratën zikaltrit është Lautaro Martinez. Aktualisht ai ka një klauzolë që e lë të lirë për 111 milion euro. Synimi është që ajo shifër të rritet, ashtu sikurse edhe përfitimet e sulmuesi argjentinas./abcnews.al
