Loading ...
Ish-sulmuesi i Arsenalit, Niclas Bendtner, ka zgjedhur botën e televizionit për të vazhduar karrierën e tij. Danezi pasi konfirmoi muajin e kaluar tërheqjen nga futbolli i luajtur, tashmë do të kthehet në një personazh televiziv.
Përpara Vitit të Ri, 32-vjeçari luante për klubin e qytetit të tij të lindjes, Copenhagen. Tashmë Bendtnerit, ose siç e njohin fansat e futbollit “Lord Bendtner”, i është besuar një show në një televizion danez.
Niclas do të jetë së bashku me të dashurën e tij, Philine Roepstorff, në këtë aventurë të re për të. Emisioni i tij pritet të fillojë në pranverë dhe do të transmetohet në “Denmark’s D-Play”. Ish-sulmuesi është aktivizuar për 9 sezone tek Arsenali, ku ka shënuar 45 gola në 171 ndeshje. Ai ka luajtur gjithashtu dhe për Birmingham, Sunderland, Nottingham Forest, Juventus, Wolfsburg si dhe për Rosenborg. /abcnews.al
