Tjetër lëvizje te Milani, kësaj radhe në dalje. Pepe Reina është larguar nga kuqezinjtë dhe do të vijojë karrierën në Premier League. Portieri ka arritur akordin me Aston Villën.
Klubi nga Birmingemi ka rënë dakord me homologët italianë për të marrë spanjollin në huazim me të drejtë blerje në fund të sezonit. Reina ka një eksperiencë të madhe, teksa është aktivizuar me Barcelonën, Villareal, Liverpool, Napoli, Bayern Munchen dhe Milanin.
37-vjeçari u transferua te Milani verën e vitit 2018 dhe ka qenë zëvendësues i Donnarummës. Reina do të fluturojë të hënën drejt ishullit për të kryer vizitat mjekësore dhe për të firmosur kontratën me ekipin e ri. /abcnews.al
