Loading ...
Kosova nuk shkoi më shumë se barazimi pa gola kundër Izraelit, në ndeshjen e saj të tretë në Ligën e Kombeve.
Mund të kishte shkuar më keq se kaq për “Dardanët”, që vuajtën shumë, ndërsa pa diskutim njeriu i sfidës ishte portieri Saipi, që bëri disa ndërhyrje shpëtimtare, sidomos në pjesën e parë.
Izraelitët ishin më të rrezikshëm në aksionet e tyre sulmuese, ndërsa iu afruan shumë epërsisë.
Finalizimi mungoi, ndërsa për Kosovën në pjesën e parë vlen vetëm një goditje nga distanca e Dellovës, që gjeti të përgatitur portierin kundërshtar.
Edhe pas pushimit, Izraeli u shfaq më kërkues, por me Saipi në formë të shkëlqyer, porta e Kosovës mbeti e paprekur.
Në fund vetëm barazim pa gola dhe një pikë që nuk duhet hedhur poshtë nga “Dardanët”, që mbeten në shinat e objektivit të tyre.
Pas tre ndeshjeve, skuadra e drejtuar nga Franco Foda ka katër pikë në vendin e dytë të grupit 3 të Ligës B, tre më pak se kryesuesit e Austrisë. Kjo situatë mund të përmbyset në datën 4 tetor, pasi Kosova do të mbyllë xhiron e parë në ndeshjeve në Ligën e Kombeve në shtëpi, me sfidën direkte kundër austriakëve.
