Loading ...
Një takim i shkurtër mes Cristiano Ronaldos dhe Gianni Infantinos ka marrë një tjetër vëmendje në rrjetet sociale, pasi fansat kanë nisur të analizojnë reagimin e yllit portugez pas përshëndetjes me presidentin e FIFA-s. Ronaldo ndodhej në Paris për ceremoninë përmbyllëse të Esports World Cup, ku u përball edhe me Infantinon. Në pamjet që qarkulluan online, dyshja shtrëngon duart dhe shkëmben disa fjalë, ndërsa më pas Ronaldo largohet.
Ishte pikërisht shprehja e fytyrës së tij në ato sekonda që bëri fansat të reagojnë. Menjëherë pas takimit shprehitë e fytyrës së Ronaldos ndryshojnë çka e bëri momentin të komentuar kudo në botë.
“Dukej i neveritur”, shkroi një përdorues, ndërsa një tjetër komentoi se “gjuha e trupit flet më shumë se fjalët”. Një tjetër e përshkroi Ronaldon si “të gjithë ne nëse do të takonim Infantinon”. Reagimet u shtuan edhe për shkak të kritikave të fundit ndaj presidentit të FIFA-s. Infantino është përballur me një valë reagimesh pas propozimeve të diskutueshme që lidhen me të ardhmen e Botërorit dhe investimet private.
Në të njëjtën kohë, emri i Ronaldos ishte përmendur së fundmi në një tjetër debat që lidhej me FIFA-n. Ylli portugez thuhet se kishte pëlqyer një postim të një gazetari spanjoll, i cili kritikonte ashpër organizatën dhe ngrinte pikëpyetje mbi mënyrën se si ishte trajtuar Argjentina gjatë Botërorit. Megjithatë, as futbollisti dhe as përfaqësuesit e tij nuk kanë komentuar për takimin apo për shprehjen e tij të fytyrës.
🚨 𝗡𝗘𝗪: Cristiano Ronaldo did not look best pleased to meet Gianni Infantino at the E-Sports World Cup. 😬pic.twitter.com/uMYrhtTyxq
— 𝐓𝐌 𝐅Ú𝐓𝐁𝐎𝐋 (@TMfutbal) August 23, 2026
