Loading ...
Nuk ishte në shtëpinë e tij, përkundrazi.
Idhulli I tifozëve holandezë ishte Maks Verstapen, jo Lando Norris, por fitorja I shkoi pikërisht anglezit, ndërsa piloti I Red Bullit provoi një makth.
Ish-kampioni I botës pati aksident që në xhiron e parë, ndonëse për fat nuk pati asnjë problem, edhe pse makina iu dëmtua rëndë.
Katër herë kampioni I botës nuk ka qenë dominues këtë herë, ndërsa Mercedes papritur ka gjetur rivalin.
Meklaren ishte skuadra fituese në pistën e Zandvortit, në Çmimin e Madh të Holandës në Formula 1 dhe kjo pikërisht më pilotin kampion të botës në fuqi, Norris.
Pasi doli I pari në provat zyrtare, dhe u nis nga vendi I parë, ai përballoi një parakalim nga Kimi Antoneli, për të triumfuar falë strategjisë, por edhe paraqitjes së makinës Meklaren.
Gara ishte me parakalime dhe të papritura, e madje edhe veterani Ljuis Hamilton luftoi për sukses me Ferrarin e tij.
Në fund, u detyrua të kënaqej vetëm me vendin e katërt, pra mbeti jashtë podiumit.
Norris kaloi radhazi Rasëllin dhe Antonelin, ndërsa Mercedes dha një urdhër të rrallë skuadre, pas të cilit anglezi I hapi rrugë italianit.
E kotë.
As talenti I adoleshentit Antoneli nuk mjaftoi për të kaluar I pari vijën e finishit, pasi Norris përfundoi garën me 11.5 sekonda epërsi.
Gjithsesi, 19-vjeçarit nuk I doli keq, pasi vendi I dytë I mjaftoi që të krijojë epërsi prej 59 pikësh në krye të renditjes së Botërorit.
Ai ka 242 pikë ndaj 183 të Rasëllit dhe Hamiltonit, ndërsa Mercedes kryeson renditjen e sezonit në Formula 1 me 425 pikë, 87 më shumë sesa Ferrari.
Çmimi I Madh I radhës mbahet në 6 shtator në Monza të Italisë.
