Loading ...
Tensione brenda Lidhjes Demokratike të Kosovës, pas rezultatit të dobët me vetëm 18 deputetë nga zgjedhjet e 7 qershorit.
Një nga kritiket konistente të kryetarit të partisë Lumir Abdixhiku, Hykmete Bajrami ka kërkuar mbajtjen e zgjedhjeve të brendshme dhe reflektimin për rezultatet nga votimet e fundit.
“Zgjedhjet e brendshme janë zgjidhja, të sillemi me dinjitet, sepse pozitat nuk janë të përhershme. E kam thënë edhe në janar se në LDK përgjegjësia politike nuk mund të jetë selektive dhe se pas një rezultati të rëndë zgjedhor, duhet të ketë reflektim”.-shkruan Bajrami në reagimin e saj në rrjetet sociale,
Ajo ka përmendur edhe Kuvendin e fundit të LDK-së, duke theksuar se rreth 45 për qind e delegatëve ishin deklaruar në favor të dorëheqjes së kryetarit.
Një nga reagimet më të forta ka ardhur nga dega e dytë më e madhe në kryeytet, ata këkrojnë publikisht largimin e Abdixhikut nga posti i kryetarit, me arsyetimin se atij i janë disa mundësi rresht për ta udhëhequr partinë, por ai ka dështuar.
Përgjigjen Abdixhiku e ka dhënë po përmes rrjeteve sociale.
Ai nuk ka dhënë sinjale për dorëzimin e postit, përkundrazi ka kërkuar largimin e atyre që nuk i bësojnë më strukturave të partisë.
Në këto zgjedhje LDK mori 3 deputëtë më shumë se në votimet e dhjetorit, edhe pse pritshmëritë ishin shumë të larta.
Abdixhiku ja dorëzoj vendin e parë të listës Vjosa Osmanit, dhe e prezantoj atë si kandidatën e tyre për presidente, ndërsa vet si kandidat për kryeministër.
Përformanca e LDK në tre zgjedhjet e fundit parlamentare në vend brenda 2 vitesh ka shënuar rënie dhe mbetet shumë larg rezultateve historike të Ibrahim Rugovës.
