Pavarësisht armëpushimit sulmet vazhdojnë, dy të vrarë në Liban

Dy persona janë vrarë dhe dhjetë janë plagosur nga një sulm në Liban, sipas Ministrisë së Shëndetësisë. Sulmi ndodhi në qytezën Nabatieh al-Fawqa.

Sipas ministrisë, sulmet izraelite në disa qytete kishin vrarë të paktën 14 persona, përfshirë fëmijë, raportoi CNN.

Sulmet po ndodhin edhe pse është vendosur për zgjatje të armëpushimit në Liban, gjatë të cilit Izraeli dhe grupi militant Hezbollah kanë vazhduar shkëmbimin e zjarrit.

Më shumë se 2,500 njerëz janë vrarë në Liban që nga fillimi i luftës. Rreth 1 milion njerëz janë zhvendosur që nga marsi pasi Izraeli nisi ofensivën tokësore.