Loading ...
Një burim iranian i ka thënë agjencisë së lajmeve Fars se nëse bllokada amerikane e Ngushticës së Hormuzit vazhdon, kjo do të “konsiderohet shkelje e armëpushimit”.
Ata paralajmëruan se në shenjë hakmarrjeje, Teherani do ta mbyllte plotësisht rrugën edhe një herë.
Kjo ka të ngjarë të rrisë përsëri çmimet e naftës dhe gazit.
Burimi i tha agjencisë së lajmeve Fars se kishte tre kushte për anijet që udhëtonin nëpër rrugën ujore të rëndësishme ekonomike tani që ajo u rihap:
-Anijet duhet të jenë tregtare – jo ushtarake;
-Rrugët që përdorin janë ato të përcaktuara nga Irani;
-Dhe të gjitha tranzitet duhet të bëhen në “koordinim” me forcat iraniane.
Presidenti amerikan, Donald Trump ka deklaruar se bllokada e SHBA-së do të mbetet “plotësisht në fuqi” derisa të arrihet një marrëveshje paqeje.
Ai shkroi se ajo do të vazhdojë derisa një marrëveshje të jetë “100% e përfunduar”, por shtoi se pret që kjo të ndodhë “shumë shpejt”./abcnews.al
