Irani lëshoi dronë, zjarr në rafinerinë e naftës në Arabinë Saudite

Arabia Saudite deklaroi se ka shkatërruar dy dronë të nisur në rafinerinë e saj lindore Ras Tanura mëngjesin e sotëm. Ministria e mbrojtjes tha se rënia e dronëve shkaktoi zjarr, por nuk pati viktima.

Megjithatë ende mbetet e paqartë, nëse objektet e rafinerisë u dëmtuan apo jo, ndërsa zona u përfshi nga shtëllunga të mëdha tymi.

Kompleksi Ras Tanura strehon një nga rafineritë më të mëdha të Lindjes së Mesme me një kapacitet prej 550,000 fuçish në ditë dhe shërben si një terminal kritik eksporti për naftën bruto saudite.

/abcnews.al/