Loading ...
Dëmtimi ishte I rëndë dhe i dhimbshëm. Shenjat vazhdojnë të jenë të dukshme, por gjithsesi Lindsey Vonn duhet të jetë e lumtur, pasi mund të shkonte shumë më keq se kaq.
Vetë, kampionia amerikane e skive zbuloi në një postim në “Instagram” se lëndimet e saj shkuan shumë përtej frakturës të shumëfishtë dhe komplekse të tibias, pas rrëzimit në garën e saj të parë në Lojrat Olimpike Dimërore më 8 shkurt.
Skiatorja 41 vjeçare tha se trauma nga aksidenti shkaktoi sindromën e ndarjes në këmbën e saj, ndërsa rrezikoi seriozisht amputimin.
“Kur pësoni një traumë kaq të rëndë në një zonë të trupit, gjaku grumbullohet dhe bllokohet. Dhimbja është shumë e madhe”, tha Lindsey Vonn, që falenderoi si shpëtimitarin e saj doktorin
Tom Hackett, një kirurg ortoped që punon me Vonn dhe kombëtaren olimpike amerikane.
Vetëm ndërhyrja fillestare e tij dhe më pas edhe tre ndrëhyrjet e tjera kirurgjikale në spitalin e Treviso në Itali bënë të mundur që të evitohej më e keqja.
Lindsey Vonn mori mbi vete një rrezik të madh kur pranoi të garojë në “Milano Cortina 2026” me ligamentin e kryqëzuar të gjurit të majtë të këputur.
Rrëzimi në garën e parë agravoi dëmtimin, por të gjitha këto, tani janë vetëm një kujtim i keq dhe i dhimbshëm.
Lindsey Vonn duhet të përballet me një periudhë të gjatë rikuperimi, ndërsa karriera e saj e shkëlqyer është mbyllur zyrtarisht.
